Veisemati na Matabose ni iLavo Maroroi ni iTaukei & Leadership Fiji

Veisemati na Matabose ni iLavo Maroroi ni iTaukei & Leadership Fiji

Erau mai sainitaka nikua e dua na veidinadinati ni cakacakavata (MOU) na Vunilewa ni Matabose ni iLavo Maroroi ni iTaukei, o Aisake Taito kei na Vunilewa ni Leadership Fiji, o Sharyne Fong.

Na veiwekani vou qo, e dusia tiko ga na sasaga ni Leadership Fiji, me cakacaka vata kei ira na veitabana era vakaitavi ena kena sagai me laveti cake na ivakarau ni Veiliutaki ena noda vanua.

A tauyavu na Matabose ni iLavo Maoroi ena 2004 me tokona na vakatoroicaketaki ni kawa itaukei e Viti kei Rotuma ena kena vakatulewataki vakamatau na nodra iyaubula kei na kena tutaki ka maroroi na nodra vosa, itovo, yavu ni vakabauta & na ivakarau vakavanua. 

E varaitaka o Aisake Taito, ni marautaka na Matabose ni iLavo Maroroi na veiwekani vou qo, baleta ni sa vakairogorogo tu na Leadership Fiji ena kena tutaki ka vakavulici na mataqali Veiliutaki e yavutaki ena veirogorogoci, na dodonu kei na savasava. Ena yaga sara vakalevu na veiwekani qo ena veisasaga e qarava tiko na Matabose ena gauna qo, vakabibi na sasaga era sema kina ulutaga rabailevu ni Veiliutaki.

E varaitaka o Sharyne Fong, ni vakavinavinakataka vakalevu na Leadership Fiji, na veitokoni ni Matabose ni iLavo Maroroi, ka nuitaki ni ra na uqeti na ivakalesilesi ni Matabose me ra mai lewena na nodratou porokaramu ni veivakarautaki. 

Ena veidinadinati qo, e sa mai vakadonuya na Matabose ni iLavo Maroroi me vakayagataki na Member’s lounge ena vuku ni tuvatuva eso ni porokaramu ni Leadership Fiji, ena yabaki qo.

YALA IKE

For more information about Leadership Fiji, our CEO Ms. Sharyne Fong can be contacted on 777 4857, or on email address sharyne@leadershipfiji.org or visit our website www.leadershipfiji.org

For more information about the iTaukei Trust Fund Board, visit www.itaukeitrustfund.com.fj or email Elenoa Korovulavula elenoa@itaukeitrustfund.com.fj