ITAUKEI TRUST FUND BOARD PATNA MA MARKET DEVELOPMENT FACILITY la A’NE’NE’ MICRO, SMALL AND MEDIUM, ENTERPRISES (MSMEs)

ITAUKEI TRUST FUND BOARD PATNA MA MARKET DEVELOPMENT FACILITY la A’NE’NE’ MICRO, SMALL AND MEDIUM, ENTERPRISES (MSMEs)
iTaukei Trust Fund Board (TTFB) ma Market Development Facility (MDF) ‘e ‘i aier’åk ‘e Memorandum of Understanding (MOU) la fu’åk Business Development Services (BDSs) la a’ne’ne’ garue ‘on iTaukei ma famör Rotuma ‘e Micro Small and Medium Enterprises (MSMEs) ‘e ta rako ne la ‘ut’åk a’häe ma poto ‘e rērē ma mua’ąkiag ne pesnese. MOU hete’is kel’ąkim ta av fo’ou ‘e hąigarueag esea ne TTFB ma MDF, ‘e ‘ut’ąkiag ma a’ne’ne’ąkiag ne poto ma sal re pesnese e iris ne ‘on’on hanua.

E rere: Country Director ne MDF ma TTFB CEO Aisake Taito ‘e a’fumou’ąkiag ne MOU.

Te’ ne ut ne pesnese ma ‘on te noanoa, te noanoa ne mou se fu’ąkiga ma fuagri ma te noanoa ne mou se te garueaga ne la ‘es’ao’ąki. Ma ‘e Fiti tape’ma. Te noanoa’i taöp ti’ pau amnåk la re pesnese ‘on famör iTaukei ma famör Rotuma. BDSs, TTFB, ma MDF amnåk la a’vaohian te noanoa’i se iris ne ‘on’on hanua ‘e oris re pesnese.

MDF ne Australia ririaf ti’ pau la patna ma TTFB la a’ne’ne’kakai ne hanua ‘e oris pa re pesnese. Te ag’esea te’is ta hakhakogat se MDF ma TTFB la suia te noanoa ma’oi ne iTaukei ma famör Rotuma hąipoag mar ‘e oris amnąki ma a’häe ‘e rak ma puer’åk te ne pesnese.

MDF sakior ma räe ‘e ‘on Community Engagement Study ne te ma’oi pau pesnese ma famöri kat seminte fürmaria ra sin ‘e rērē ne pesnese.

E te’agesea ne MDF-TTFB, MDF la a’potsusun ma ösös Entrepreneurship Development Advisers la iris la po ma tok a’lelei te’ag’esea ‘on kakai ne hanua ma ‘ut’ut ne garue fak pesnese. MDF ma TTFB la garue ‘ag’esea ma kel’åk ta mąl het la ‘ut’åk se rere gargarue ‘on gagaj ne hanua ma famör re pesnese.

TTFB CEO Aisake Taito fäeag tape’: Is ‘oaf ne MDF ma ‘on inea raurau ‘e oris gargarue ag’esea ma hanua ma’oi ‘e ränte’ a’ti’ se ‘e Fiti, Pasifika, ma Asia. MDF la na ne’ne’ ma mua’ąkiag ‘e amnåk te’is ne famori po la rak ma ‘e irisa. Garue säe sal te’is hąitauag pau ma ‘os amnåk het ne pa ‘es la a’ne’ne’ia poto ‘on iTaukei ma famör Rotuma ‘e laloag ne pesnese. Ma ‘is ‘ąiröt’åk se mua la te’ag’esea te’is la la’ lelei.

Covid 19 ‘e Fiti a’noanoa pau amnåk ‘on iTaukei ma famör Rotuma ‘e oris pesnese. E MOU hete’is, hanhap rua ‘ąiröt’åk ma kikia la für te noanoa ma’oi.
Ut het ‘e MOU TTFB ma MDF kau’åk la foras’åk a’häe ma ‘inea ne hotom ‘e sakior te ma’oi ne po la asoa se se amnåk ne MSME, ma te noanoa se ‘ut’ąkiag ne maür ‘on famori ‘e Fiti.
TTFB ma MDF tape’ ma amnåk la ‘ut’åk inea ‘on famori ‘e ta rako e “Train The Trainers”. Rak te’is la la’oag ‘esea ma rekot ne garue on iris ne rako. TTFB täla ‘io se rako ‘e kilas rumu ne ‘online’, ka MDF täe la sakior se gagaj re rak majau ‘e hanua ma ‘e Fiti, ma te ne la ‘es’ao’åk se rak te’is.
MOU hete’is sok’ąkiof haigarueag ne a’sok vahia ma la noh a’ne’ne’ ma kikia garue ag’esea ‘e te garueaga ma te ne rako, fak se puku. Mąl heta la a;ne’ne’ garue hąiasoaga ‘e laloag ne pesnes ‘on iTaukei ma famör Rotuma.

A’vąhiga.