FIJI KAVA MA ITAUKEI TRUST FUND BOARD KAU’ÅK E “MEMORANDUM OF UNDERSTANDING” (MOU) LA A’NE’NE’ SAL PESNES NE KAVA

Fiji Kava Ltd (ASX Fiji), kampane ne Australia ne es’ao’åk kava la re vąi ma’oi fak se ‘Noble Kava’, ‘oaf ti’ pau la patna ma TTFB ‘e oria a’fumou’ąkiag e MOU la kampane te’is la a’ne’ne’ on garueag’esea ma on patna e garue’åk ne kava e Fiti

TTFB ta utut e iTaukei Trust Fund Act, ne fu’åk la ao sal fo’ou se ut’ąkiag ne nohnoho, ma a’häe ma ag fak hanua on kakai ne Fiti ma Rotuma.

MOU kau’åk la Fiji Kava ma TTFB la foras’åk se iris ne hao kava, kaf lelei ne Noble Kava, la iris la po la a’sok pa ‘es on Fiji Kava.

Patnasip fu lelei hete’is amnåk la fu’åk ut ma’oi e Fiti ne la po la na kaf la hao se Noble Kava ma iris ne hao kava. Ut ne kaf ne kava putue täe la kaugarueag haiąn tutu la puer sin, ma re pesnese e.

Fiji Kava la ao sal ma kikia se iris ne rak ma väh’ia e Vocational Training Centres ne Fiji Kava e Cawatara, Ovalau, ma ut he his e Bua, Cakaudrove ma Lomaiviti.

 

Ut ne rak ‘i ne a’tiåk pesnes ne hao kava, leleipau se haharągi ma iris ne pa ‘es la re pesnes e kava.

E MOU, TTFB ma Fiji Kava la kamat te fo’ou ma’oi e ut ma’oi ne hil vahia. Nono ka amnåk ‘i ma garue la’ lelei e ut ‘i, ma garue te’ la foräs’åk se ut tutu ne Fiti, la ut ‘i täe la fuagri ne pesnes ne Fiji Kava e on fakmuri.

TTFB CEO Aisake Taito ea “Te agesea ne a’fumou’åk vahia ma Fiji Kava fu lelei pau ma amnäk ofrau Entrepreneurship Framewok ne sok’åk gagaj ‘es pera ma iris ne re pesnese, fak se Fiji Kava. Garue te’ amnäk’åk la iris ne hanua la ut a’riri’ la ut’åk garue pesnes ne mou se oris pera. E laloag ne fau saghul ne väh se’ pesnes ne mou se kava ut ti’ pau se rere ma ąmis la oaf pau la a’ne’ne’ mąl hete’is e garue ne mou se pesnes ne kava. Garue te’is la ‘es’ao se ma haina ma haharągi e oris garue tutu ne mou se “kava value chain”’.

TTFB la rak’åk gargarue ne mou se selene la iris ne garue e laloag ne pesnes ne kava la inea la potpot’ąkia oris selene.

CEO ne Fiji Kava Dr. Anthony Noble ea “ MOU hete’is a’fumou’åk se av ne tore oris te’ag’esea ma TTFB ne hąi’ineag lelei ma kakąi ne hanua. Kamatag ne garue ‘ag’esea te’ ma gagaj ne hanua ma iris ne hao kava se Noble Fijian Kava ta fuagri ne utuag se rere pesnes ne Fiji Kava.

Atmąi ta: TTFB CEO Aisake Taito ma Fiji Kava Director Ratu Savenaca Seniloli e a’fumou’ąkiag ne MOU

Garue ag’esea ma TTFB ‘e laloag ne MOU a’ne’ne’ ma a’lamlam pau helav ne pesnes ne Fiji Kava e te ma’oi ne hotom e oris Noble Kava ma foras’åk se rän te’. Amis noh ao sal ma kikia la a’ne’ne’ sal ne kava e laloag ne pesnese ne kava e ut tutu ma’oi.

Amis oaf tape’ma la garue ma TTFB ma otomis patna PHAMAPLUS la a’ne’ne’ otomis te ‘ag’esea ma iris ne hao kava, ma la asoa iris e rak’åk te ma hąiasoag tutu ne la a’fumou’åk se av ne tore ‘es’ao ne pesnes ne kava se hanua ma gagaj ma’oi ne hao kava”.

Rogrog e rere aier’åk e Board of Directors ne TTFB.

A’ofiga.