ON OFA SE ON FÄEGA

Kelerayani Lesikinavosa, le’ hän ne Sawani, ia le’et e iris ne po scholarship ne TTFB la rak Post-Graduate e USP. On amnąki la ia la sakior se mua e fäeag ne on hanue ta, ma aga ma a’häe fak hanua.  

Ia ne mafua e le’ he häk, Kelerayani fau 24 ma ia fup e on kor ta. On ö’rua hao te e kor ta, ma ia ta le’et ne po mumua fakioag het e university ‘e laloag ne on kaunohoag ta. Ka on oaf la rak e teet ma ne te ne hanua kamatama e avat ne ia mea’mea’a. “Ta ‘on’on gou hil maj te’ se otou postgraduate kos e USP”, ia ‘ea. 

Kelerayani, fup e fam ne ö’rua e Sawani, Naitasiri, rak e Sawani Primary ma ma Adi Cakobau School. 

“E otou rako e primary ma secondary, gou lelei pau e fäeag Fiti, ma po mah lamlam e reson te’. Fäeag Fit ta ta otou faiva e rako. Otou ririfa se reson te’ a’lamlam pau otou rako, ma e avat ne gou e university gou oaf pau ne gou po la rak se mua e fäeag Fit ta.” 

Fak se lå’riri’ Fit ma’oi, rogrog ma hanuj ne mou ne temamfua, kaula’oag mumua ne leum se Fiti, ma ‘ąit tutu on temamfua, rogrog atakoa ‘i Kelerayani ‘oaf pau la a’fąi temamfua fäeag’åk.

E on poag ne scholarship ta Kelerayani pa ‘es la sakior se mua e laloag ne fäeag Fit ta e hanhap ne fäega, ma aga fak hanua. “Otou amnąki la iris ne rak ma gou la ririaf la rak tape’ma resön te’ e huag ‘ofa, a’häe tafa, ma huag lelei fak hanua.” 

On amnąki e ‘on ‘i’i la ia la po grade lelei la po la ia la re on faki’oag ne Masters ‘e fäeag Fit ta, ma ag fak hanua e Fiti. “Gou la ‘oaf la sakior se otou kor ta e Sawani se fäega, ma aga fak hanua ne kel’ąkia on temamfua ma on kor ta Sawani, la famori la kel ma kop ma la oaf”.

Kelerayani hoa’ kos ne Bachelor in Education (BEd) e History ma Fijian Studies. On hat puk sakior te kel’åk se ia ne on fäeag ta po la mao mij e laloag ne on kor ta. 

“E vahiag ne otou rako e Fijian Studies gou pa a’ne’ne’ pau otou fäeag ne kor ta ne gou inea amis tokana la a’lelei e laloag ne kor ta. Ma gou ma amnåk raurau la a’fo’ou otou fäeag ta”, le’ hän motei ‘ea. 

Amis atakoa la fą’ ‘äe, Kelerayani! 

TTFB na scholarship liam se Kelerayani ma famör häk hoi’åk la iris la rak e kos ne Postgraduate Fijian Studies se fau rua e University of The South Pacific School of Pacific Arts, Communication and Education. 

On A’ofiga