LOCKDOWNS KAT A’AF’AF RA HUAG PA RAKO
‘ON HĄIAN NE MATAILOBAU E NAITASIRI.

Training workshop ne kamat e fau te’ e Maji se hąian ne pa re pesnese ne Matailobau e Naitasiri fup ma hele’uen la kos ne rako “online” e *Facebook Messenger”, sala ne famori ‘es’ao’åk a’ma’oi pau.

E Epereli e fau te’ Fiti ökök ti’ pau e av ne Covid 19 haum e ‘on a’rua ne leum. Program ma’oi fak se rak pesnese se haina vil ti’ pau. Ka ririaf ma huag pa rako on iris ne mua’åk rako ma iris ne rako nono ne’ne’ ma, la sok’ąkiof rako se “online platform”.

Rak te’is, te’agesea on TTFB ma Fiji National University (FNU), amnåk’åk la iris 60 ne rako, e fau 17 se fau 66, la po poto e rere ne pesnese e garue ne mou se sus ha’u, ösös ne leva, jewelry ma pån ne ha’u. Haina ‘io ti’ pau se rako ne mou se ösös te fak hanua.

 “Lockdown” kat seminte sok ra, ka Haina a’sok vahia gasav 4 ‘e oris rako. Kor 6 e tikina  Matailobau ne ‘e laloag ne rak te’is ta Matailobau, Nabena, Taulevu, Delaitoga, Navuniyasi, ma Nairukuruku.

E on ‘i’i. kainag rako ma’oi ‘es’ao’åk kikia “online”, ma FNU ösös ma na se Matailobau te’ ne te ne mou se rak te’is. Fak se “screen printing stencils”, misin sus ha’u, ma te ne mou se garue ne si’u. Te garueag atakoa ‘i tåe hanit e laloag ne kor ta la puer ma mata’ sin. Ma e te’ ne kor ‘i. ma e te’ ne koro, haina väeväe iris se kau garueag he håk, haila’oag se iris ‘e sus ha’u. ösös leva, screen printing, ma te ösös fak se ‘jewelry’ ne hanua.

Rak te’is a’sok e sal ne ‘online chat’, ma es’ao’åk mal haiasoaga (video) ma resoni ne naam e famör re rako e FNU. Haigarueaga hąiasoag ti’ pau se iris ne rako e ‘oris te ‘ag’esea.

TTFB CEO Aisake Taito ‘ea ne teknoloji fo’ou ma sal ne ‘social media’ asoa ti’ pau se ‘ut’ąkiag ne rako ma training on haina e laloag ne oris kaunohoga. A’ne’ne’ huag pau! Video hete’is https://youtu.be/7vXlSlqNM40, naam e hanit e koro te Taulevu, ta aier’ąkiag ne ‘es’ao ne rak te’is e hanhap ne sus ha’u.

Mal hete’is kel’akia haian ne te agesea e rak te’is, e screen printing ma hanit Sereana Naulivou e maj ne FNU Jewellry .

Above: Ladies take a moment from their small training bubble for a picture. Wainise Baledrokadroka (in the background), with phone in-hand receives instructions from the FNU trainer via the Facebook messenger, which she will in turn share with Melenia Gonerogo (closest to camera), as a peer-learning exercise.

Hån puer ne Creative Arts e FNU. Vasiti Baledrokadroka, ‘ea ne te a’oaf’oaf huag pau ‘ut ne rak on haina e oris garue e av ne ‘lockdown’ ta soko e, a’ti’ se ne haian ‘i noh kikia e kor e ufa – kel’ąkiag ne ‘es’ao ne teknoloji fo’ou ‘e rako ma garue training tape’i.

Baledrokadroka ‘ea ne famör re rako tårtąria säeag ne border la sok’ąkiof ‘face to face’ rak ta, ka plan ne rako kop ma la jen. Ma kop ma la tokana la gat ke rako e rån folu ‘esea, ka rak te’is po la sok’ąkiof se gasav rua.

Amnåk heta la hąina la po la tög’åk te ne oris garue ne si’u e vahiag ne lockdown. Ka TTFB tape’ma ‘io se kampane ma ut ma’oi ne po la hąiasoag se tög’åk ne te ne po ‘e oris garue ne si’u.

Amnåk pau ne rak ma training te’is la säe sal ma’oi se haina ma haharagi ‘e “rural areas” ‘e oris la aoag ne koroa ma ‘on la ‘ut’ąkiag ne oris nohnoho ‘e av noanoa ne ‘af’af teis Covid 19.

Patnasip ne TTFB ma FNU Rural Women

E Fepueri e 2021 TTFB ma FNU sain se Memorandum of Understanding (MoU) la kamatan projek

rako ma training se haian e kor he his e Naitasiri. Projek hete’is ta amnåk mumua het ne TTFB ma FNU College of Humanities and Education (CHE) fup’åk la haiasoaga se ‘ut’ąkiag ne nohnoho on famori e ufa, ma TTFB na haiasoag fak mone $65,000 se garue’åk ne projek hete’is.