Solesau, na porokaramu ni vuli Vosa kei na iTovo VakaViti vakarautaka na MATABOSE NI LAVO MAROROI NI ITAUKEI.
MAROROI NA VOSA KEI NA ITOVO VAKAVITI
Semati iko mai ena Solesau vakarautaki vei keda na iTaukei e Viti kei na veiyasai vuravura.
NA VA NA DURU NI SOLESAU
Na ituvatuva ni vuli oqo e yavutaki ena va na duru ni noda bula vakaitaukei.
Solevosa
Soleveiwekani
Soleitovo
Soleiyau
NA INAKI NI SOLESAU
Mo kilai iko vaka iko!
Vakatitobutaka nomu kilaka
Vaqaqacotaka na kemu isema
Vakabulabulataka na nomu Vosa kei na iTovo
Na Taro e Dau Tarogi
Mo kila tiko!
E saumi na Solesau?
E sega. Na kena vakadewataki yani na veika me baleti keda na iTaukei e sega ni dodonu me saumi. Ia, e bibi meda kila ni sauma na TTFB na vatavata ni vuli oqo meda veisemati kina na iTaukei ena veivanua eda tu kina.
O cei e rawa ni vakayagataka na Solesau?
O koya ga e kila ni gone iTaukei se via kila na veika me baleti koya, ena nona vosa kei na itovo. Kevaka o sucu mai vanuatani se o via semati iko lesu i nomu vanua, e vakarautaki na Solesau vei keda kece eda via vulica na vosa kei na itovo vakaViti.
Na cava sara mada au rawa ni vulica mai na Solesau?
Ena rawa ni o vulica kina na vosa vakaviti, na itovo, na veiqaravi vakavanua, nomu veiwekani kei na veika me baleti iko.
E vakavulici vakacava na itovo ena mona livaliva?
E tovolei me vakayagataki na mona livaliva me vakadewataki yani kina na itukutuku eso me baleta na noda itovo, ena vuku ni draki veisau eda sa bula donuya, kei na nodra sa vakayagataka vakayauyau na luveda na mona livaliva. Ena vakatitobutaka na noda kilaka ka na rawa ni vukea noda bulataka na itovo.
© 2025 Solesau. All rights reserved. Preserving culture, empowering futures.